Imarsiortunut STWC-mi piumasaqaatit nutaat

Ataatsimik arlalinnilluunniit uppernarsaateqarpit Decembarip 31-iani 2016 atorunnaartussanik taava maanna 2010-mik taaneqartartunik uppernerarsaatinut taarserneqariissapput. Allannguutit Manilla-mik taaneqartut STCW konventionimi atuutsilerneqartut peqqutaallutik piffissami aaliangersimasumi uppernarsaatinik Decembarip 31-iata 2016 kingorna atorunnaartussanik atulersitsisoqarsinnaasimanngilaq. Taamaammat maanna uppernarsaatit arlalippassuit atulersinneqalertussaapput tamannalu ulapititsivoq. Uani piumasaqaatit nutaat pillugit paasisaqarnerugit.

Aqumiumut ilinniarfissat nutaat

Oktobarip 26-iani 2015 aqumiumut ilinniarfissat hold-it nutaat aallartissapput. Qinnuteqarfissaq kingulleq tassaavoq tallimanngorneq Septembarip 25-iat 2015 Imaani atorfinni ingerlariaqqikkusuppit piumasaqaatillu naammassigukkit taava qinnuteqaatit nassiuguk. Ilinniarnissanut piumasaqaatit nittartakkatsinni takusinnaavatit. Apeqqutissaqaruit paasissutissanilluunniit amerlanernik perusukkuit attavigiuarsinnaavatsigut.

Skibsassistentimut ilinniarfissat nutaat

Oktober 2015-mi naatsorsuutigaarput ilinniarfissat hold-it nutaat aallartissasut. Ilinniarnerit atasinngorneq oktobarip 26-iat 2015 aallartissapput. Qinnuteqarfissaq kingulleq tassaavoq Septembarip 25-iat 2015 Imaani atorfinni ingerlariaqqikkusuppit piumasaqaatillu naammassigukkit taava qinnuteqaatit nassiuguk. Ilinniarnissanut piumasaqaatit nittartakkatsinni takusinnaavatit. Apeqqutissaqaruit paasissutissanilluunniit amerlanernik perusukkuit attavigiuarsinnaavatsigut.