Imaani isumannaallisaaneq

Imaani isumannaallisaaneq

 

Aalisariutini umiarsuarnilu niuffagiutini inuttaasut pinngitsooratik ulluni pingasuni imaani isumannaallisaanermik pikkorissartussaapput. Malugeqquneqarpoq uppernarsaat manna aalisariutini aalisartuunissamut atorneqarsinnaanngimmat, tamatumani piumasarineqarami  Inuussutissarsiutigalugu aalisartunut isumannaallisaanermik pikkorissarsimassasut (sapaatit-akunnerini pingasuni)

Nammineq akiliilluni pikkorissarneruvoq peqaataasullu pikkorissarfissamut angalaneq ineqarnerlu namminneq isumagissavaat.

Nalunaareerluni taamaatitsisunut ima piumasaqaateqarpoq:

  • Pikkorissarfissaq ullut qulit sioqqullugit siusinnerusukkulluunniit taamaatittoqarsinnaavoq allaffissornermut akiliummik akiliilluni
  • Pikkorissarfissaq ullut qulit ataallugit taamaatinnermut akiliutaassaaq pikkorissarnermut akiliutaasartup 100 procentiata nalinga allaffissornermullu akiliut
  • Ilinniartitsisut angalaneranni sila pissutaalluni pikkorissarneq taamaatinneqarpat neqeroorummut tunngatillugu aningaasartuuteqassanngilaq
  • Akiliutissat qulaani eqqaaneqartut saniatigut angalanermut, nerisaqarnermut ineqarnermullu Imarsiornermik Ilinniarfiup aningaatuutigisai sullitap akilissavai
  • Sullitap pikkorissarnissaq taamaatippagu Imarsiornermik Ilinniarfiup allaffissornikkut, pilersaarusiornermi angalanermilu aningaasartuutigisimasai sullitamut akileqquneqassapput.

Taamaatinnermut tunngatillugu aningaasartuutaasut sulisitsisumut, Majoriaq-mut suliffissarsiuussivimmulluunniit, qinnuteqarnermi kina sulisitsisutut nalunaarutigineqarnersoq naapertorlugu, akileqquneqassapput.

Ulloq
14/10/2019 - 18/10/2019

Sumiiffik Sisimiut

Oqaatsit Kalaallisut Qallunaatullu


Nalunaarneq

Tilmeldinger er lukket til denne event.