8. October 2018

Qalulerisoq

Qalulerisoq

Qalulerisunngorniarnermut ilinniarneq:

Tunngaviusumik imarsiornikkut ilinniartitaaneq allagartaqarfigigukku, qalulerisunngorniarnermut ilinniartitaanermut ingerlaqqissinnaavutit.

Aallartiffissaq: Paamiuni immikkoortortaqarfipput attavigiuk aallartiffissaq pillugu.

Sivisussuseq: Sapaatip akunneri 20-it. Ilinniartitaaneq Paamiuni ingerlanneqartarpoq.

Suliffigisassaq:

Qalulerisunngornianermi ilinniassavatit aalisariaatsit sananeqannerani teknikkikkut tunngavii. Tassani ilaapput kisitsineq, atortut titartarneqanneri, iluarsiineq uuttortaanerlu.

Qalulerinermut ilinniarneq immikkuullarissuuvoq piniutit teknologiuanut ilinniarnerulluni. Naamaginartumik ilinniakkamik ingerlatsereernikkut ilinniarnikuunermut uppernarsaat tunniunneqassaq qalulerinermut ilinniagalittut. Kingorna atorfinittoqassinnaavoq qalulerisutut imalunniit trawlbasseritut.

Assingusumik ilinniakkat:

Assingusoqanngilaq

Ilinniarnermi aqqusaagassat imarisaallu ilaatigut ukuupput:

  • Aalisarnermut atortut sananeqannerat
  • Atortut pissusaat immap ataani
  • Aalisarnermut atortorissaarutaasartut
  • Atortunik ilinniarneq
  • Qalulerineq
  • Atortut titartagaasa pasinissaat
  • Suliamut tunngassuteqartumut kisitsisinnaaneq, aalisasakkat pinngortitaaneri aammalu inatsisilerineq.

Sivisussusaa:

Qaamatit tallimat

Piumasaqaatit:

Tunngaviusumik imarsiornikkut ilinniartitaaneq allagartaqarfigigukku, qalulerisunngorniarnermut ilinniartitaanermut ingerlaqqissinnaavutit.

Ilinniaqqinnissamut periarfissat:

Qalulerisutut imarmi inuuneq pingaartillugulu piumalluassavat timillu sulinermi atorluarsinnaassallugu timimut sulineq artornarsinnaammat. Piffissat suliffissat allanngorartut suliffigissavatit. Aningaasarsiutigalugu aalisartunngornissaq toqqassagukku pinngortitami sapinngisatit misilittarluarnissai periarfissarilissavat. Nalunaaqutaq aaliangersimasoq suliffiunngilaq, pisaqarnitit naapertorlugit akissarsiaqartinneqassaatit akiligassat aaliangersimasut ilanngaatereerpata.