Aallartiffissaq: se dansk version

Suliffigisaq:

Fiskeskipperi aalisariutini aquttutut, naalakkatut aamma sulisunut aqutsisutut ingerlatsissaaq. Fiskeskipper af 1. grad-itut sulininni aalisariutini qanorluunniit angissuseqartuni immani tamani naalakkatut pisinnaatitaavutit.

Ilinniartitaanerup imarisaa:

Fiskeskipper af 1. grad-itut ilinniarninni ilinniarneqassapput sumiissusersiorneq, silasiorneq, pigaartoqarneq, takussaasumik kalerrisaarineq, skibsteknik, peqqinnermut ilinniarneq, isumannaallisaaneq aamma avatangiisinik illersuineq, maskiinanut ilinniarneq, ikuallattumik akiuiniarneq, danskisoorneq, tuluttoorneq, pc-imik atuineq kiisalu søret aamma aalisariutini allaffissorneq.

Fiskeskipper af 1. grad-iuniaraanni ilanngullugit ilinniarneqassapput biologi, immamut ilinniarneq aamma aalisarnermut ilinniarneq.

Sivisussusia:

Fiskeskipper af 1. grad-itut ilinniarneq qaammatinik 18-inik sivisussuseqarpoq – qaammatit 12-it naammapput fiskeskipper af 3. grad naammassisimagaanni.

Ilinniarnissamut piumasaqaatit:

Fiskeskipper af 1. grad-itut ilinniarneq aallartinniassagukku, ilinniarnissamut piumasaqaatit makkua naammassineqaqqaassapput:

1. Meeqqat atuarfianni naggataarutaasumik misilitsinneq imaluunniit imarsiortutut piareersarnermut pikkorissarneq angoreersimasariaqarput.

2. Umiarsuarni 12 meterit sinnerlugit angissusilinni sivikinnerpaamik qaammatini 24-ini a-ngalareersimassaatit. Tunngaviusumik ilinniartitaaneq imaluunniit skoleskibimi ilinniar-simaneq naammassisimagukku qaammatini 18-ini angalasimanissaq naammappoq. Eqqaamallugu aalisariutini angalasimanissaq sivikinnerpaamik qaammatini 12-ini pisima-nissaa.

Taamaattorli toqqaannartumik aallartissinnaavutit, tamakkiisumik aalisariummi 12 meterit (15 BT) sinnerlugit angissusilimmi qaammatini 24-ini angalasimaguit). Angalasimaneq søfartsbog-ikkut uppernarsarneqarsimassaaq.

3. Peqqissutsimut allagartamik aammalu Imarsiortutut allagartamik (Atuagaq tungortoq) atuuttunik ilanngullugu peqartariaqarputit.

Aningaasaqarneq:

Ilinniarnersiuteqarnissamut qinnuteqartoqarsinnaavoq.