12. November 2018

§16 Suliffimmi avatangiisit pillugit pikkorissarneq

Ilaasortaatini aalisariutini niuffagiutinilu inuttanut suliffimmi avatangiisit pillugit pikkorissaaneq

Niuffagiutini aalisariutinilu sillimaniarnermut suleqatigiinni ilaasortanut suliffimmi avatangisinut pikkorissarnissaq pillugu imarsiornermut aqutsisoqarfiup nalunaarutaa nr. 770 aamma nr. 1246 naapertorlugit niuffagiutini sillimaniarnermut suleqatigiinni ilaasortat tamarmik § 16 napertorlugu pinngitsooratik pikkorissarneqartussaatitaapput.

Siunertaq:

Ilinniarnerup naammassineqareernerata kingorna pikkorissaqataasup makkuninnga piginnaasaqalersimassaaq:

  • isumannaallisaasut “Meddelelser fra Søfartsstyrelsen A”-mit innersuussutit naapertorlugit suliassiissutinut pingaarnerpaanut ilisimanninneq,
  • isumannaallisaasut sinniisaata sinniisunik allanik aamma umiarsuarmi oqartussanik/qullersanik suleqateqarnerani suliassiissutaasunik pingaarnernik ilisimanninneq, taakku ataanni inuttat allat piginnaatitaaffii, pisussaaffii akisussaaffiilu,
  • isumannallisaasuni suliassiissutinik qaangiiniarnermi ilaasinnaaneq, taassuma ataani pinaveersaartitsineq anguniarlugu suliffimmi avatangiisini ajornartorsiutinik qaangiiniarnerni siunnersuisarneq,
  • suliffinni avatangiisinut immikkut ilisimasalinni (soorlu Søfartens Arbejdsmiljøråd = Imarsiornermi Suliffinni Avatangiisinik Siunnersuisooqatigiit) aamma umiarsuaatileqatigiit kattuffianni (rederiers landsorganisation) inatsisitigut, maleruagassatigut atortutigullu allatigut paasissutissanik aallersinnaaneq,
  • umiarsuit/umiarsuaatileqatigiit SMS-iinutsuliffimmi avatangiisit qanoq ilanngunneqarsinnaanerannik tamatigoortumik ilisimanninneq, taassumap ataani umiarsuarmi sillimasinnaanerit peqqinnissamullu tunngasut qularnaarnissaannut iliuutsit,
  • suleqatigeeriaatsit aamma attaveqaqatigeeriaatsit assigiinngitsut sulinerni atorsinnaaneri, taamaaliornikkut attaveqaqatigiittarnerit pitsaanerulersillugit, aamma paatsooqatigiissinnaanerit annikinerpaanngortillugit,
  • umiarsuarmi inuttaqatinik siunnersuisinnaaneq, aamma
  • allanik umiarsuarmiittoqatinik siunnersuisinnaaneq, aamma
  • umiarsuarmi suliffimmi avatangiisit pitsaanerulernissaannut piumassutsimik akisussaassuseqarnermillu pigisaqarnermik takutitsisinnaaneq.

 

Ilaasinnaanermut piumasaqaatit:

  1. isumannaallisaaqatigiinnut ilaasortatut qinerneqarsimassaaq,
  2. skibsassistentitut piffissami naammattumi umiartorsimasutut piumasaqaatit naammassineqarsimassapput imaluunniit
  3. ukununnga uppernarsaatitaarnissamut angalareersimanernut piumasaqaatit naammassereersimanissaat
    1. aquttuaraq 4.grad
    2. maskinmesteri pigaartartoq imaluunniit
    3. skibsmaskinist 2.grad

Imm. 2. Kiffartuussisutut inuttaasut pikkorissarnermi ilaasinnaapput imm. 1, nr. 1 naapertorlugu, pineqartup tulliuttumi taaneqartoq naammassisimappagu:

Ilaasortaatini inuttatut immikkut ilinniarnissamut aamma piukkunnartutut piumasaqaatit pillugit Søfartsstyrelsip nalunaarutaa naapertorlugu isumannaallisaanermut ilinniarsimaneq, aamma tamatumap kingorna qaammatini pingasuni angalasimanermik naammassinnissi-maneq.

Pikkorissarneq (pikkorissarnermut) ilaasup nammineq akilissavaa.

  • Ilaasussat ilaanissaminnut taamaatitsissappata pikkorissarnerup aallartinnissaa ullut qulit sioqqullugu nalunaarsinnaapput, taamaaliornermi allaffissornikkut aningaasartuutinut akiliut akilerneqassaaq.
  • Pikkorissarnerup ullut qulit ataallugu aallartinnissaa sioqqullugu taamaatitsisoqarpat taamaatitsinermut akiliut pikkorissarnermut akiliutut kiisalu allaffissornermut akiutitut atsigissapput, tassa 100%-iussapput.
  • Taamaatitsineq silamik peqquteqartumik taamaatitsineruppat, taamaalillunilu pikkorissarnermi ilinniartitsisussap anngutinngitsoorneranik kinguneqartumik, pikkorissarnermi ilaasussamut aningaasatigut kinguneqartitsissanngilaq.
  • Ilaasussamit taamaatitsinermi akiliutit saniatigut Imarsiornermik Ilinniarfimmit angalanermut, nerisanut ineqarnermullu aningaasartuutittaaq akilerneqassapput.
  • Pikkorissarnissamut ilaasussamit ilaanissamut taamaatitsinikkut taamaatitsisup pikkorissarneq tamaat isigalugu allaffissornermut, pilersaarusiornermut immaqalu angalasimanernut Imarsiornermik Ilinniarfimmit aningaasartuutaasimasut akilerneqassapputtaaq.

Taamatut ilaanissamut taamaatitsinerni aningaasartuutaasimasut sulisitsisumit, Majoriaq-mit imaluunniit suliffissarsiuussisarfimmit, apeqqutaatillugu kina nalunaarnermi sulisitsisutut nalunaarsimasoq, akileqquneqassapput.

Nalunaarneq

Maanna ullut pikkorissarfissat aaliangersimasut inissisimanngillat. Soqutiginnikkuilli pikkorissaavipput attavigiuarsinnaavat.