25. October 2018

GMDSS-LRC

GMDSS-LRC

 

Umiarsuarni havområdemi A2-mi angalasinnaatitaasuni radiomik atuisussanut inatsisit malillugit pikkorissarneq pisussaaffiuvoq.

Pikkorissarnerup siunertaa:
Uku atornissaat ilinniassavat: maritim VHF/MF/HF radio digital selectiv call-lertallit (DSC) EPIRB, SART, NAVTEX aammattaaq VHF tigumiartagaq.

Tiguneqarnissamut piumasaqaat:
Pikkorissartussaq pikkorissarnissaq aallartitsinnagu 18-ileereersimassaaq.

AMA pikkorissarnertut pikkorissarnerussaaq.

AMA pikkorissartussatut nalunaareerluni taamaatitsisunut ima piumasaqaateqarpoq:

  • Pikkorissarfissaq ullut qulit sioqqullugit siusinnerusukkulluunniit taamaatittoqarsinnaavoq allaffissornermut akiliummik akiliilluni.
  • Pikkorissarfissaq ullut qulit ataallugit taamaatinnermut akiliutaassaaq pikkorissarnermut akiliutaasartup 100 procentiata nalinga allaffissornermullu akiliut.
  • Ilinniartitsisut angalaneranni sila pissutaalluni pikkorissarneq taamaatinneqarpat sullitamut neqeroorummut tunngatillugu aningaasartuuteqassanngilaq.
  • Akiliutissat qulaani eqqaaneqartut saniatigut angalanermut, nerisaqarnermut ineqarnermullu Imarsiornermik Ilinniarfiup aningaatuutigisai sullitap akilissavai.
  • Sullitap pikkorissarnissaq taamaatippagu Imarsiornermik Ilinniarfiup allaffissornikkut, pilersaarusiornermi angalanermilu aningaasartuutigisimasai sullitamut akileqquneqassapput.

Taamaatinnermut tunngatillugu aningaasartuutaasut sulisitsisumut, Majoriaq-mut suliffissarsiuussivimmulluunniit, qinnuteqarnermi kina sulisitsisutut nalunaarutigineqarnersoq naapertorlugu, akileqquneqassapput.

Nalunaarneq

Maanna ullut pikkorissarfissat aaliangersimasut inissisimanngillat. Soqutiginnikkuilli pikkorissaavipput attavigiuarsinnaavat.