25. October 2018

Qatserisartuni aqutsinermut pikkorissarneq

Qatserisartuni aqutsinermut pikkorissarneq

 

Siunertaq: Umiarsuarni qatserisartuni aqutsisussatut pikkorissarneq.

Qatserisuni aqutsisumut pikkorissarneq.

Pikkorissartup umiarsuarni ikuallannerit tamakkuninngalu pinaveersaartitsinerit ilisimasaqarfigilissavai qatserisartunillu annikinnerusumik sungiusartitsinissaq nammineerluni pilersaarusiorsinnaallugu.

Pikkorissarnerup ulluni kingullerni pingasuni røgdykkeritut tunngaviusumik ilinniartitsisoqassaaq pikkorissartorlu umiarsuarmi ikuallattoqartillugu qatserisunik aqutsisinnaassalluni.

AMA pikkorissarnertulli pikkorissarnerussaaq.

AMA pikkorissartussatut nalunaareerluni taamaatitsisunut ima piumasaqaateqarpoq:

  • Pikkorissarfissaq ullut qulit sioqqulllugit siusinnerusukkulluunniit taamaatittoqarsinnaavoq allaffissornermut akiliummik akiliilluni
  • Pikkorissarfissaq ullut qulit ataallugit taamaatinnermut akiliutaassaaq pikkorissarnermut akiliutaasartup 100 procentiata nalinga allaffissornermullu akiliutip nalinga
  • Ilinniartitsisut angalaneranni sila pissutaalluni pikkorissarneq taamaatinneqarpat neqeroorummut tunngatillugu aningaasartuuteqartoqassanngilaq
  • Akiliutissat qulaani eqqaaneqartut saniatigut angalanermut, nerisaqarnermut ineqarnermullu Imarsiornermik Ilinniarfiup aningaatuutigisai sullitap akilissavai
  • Sullitap pikkorissarnissaq taamaatippagu Imarsiornermik Ilinniarfiup allaffissornikkut, pilersaarusiornermi angalanermilu aningaasartuutigisimasai sullitamut akileqquneqassapput.

Taamaatinnermut tunngatillugu aningaasartuutaasut sulisitsisumut, Majoriaq-mut suliffissarsiuussivimmulluunniit, qinnuteqarnermi kina sulisitsisutut nalunaarutigineqarnersoq naapertorlugu, akileqquneqassapput.

Nalunaarneq

Maanna ullut pikkorissarfissat aaliangersimasut inissisimanngillat. Soqutiginnikkuilli pikkorissaavipput attavigiuarsinnaavat.