17. February 2020

Inuussutissarsiutigalugu aalisartutut piniarnerlu saniatigooralugu tunngaviusumik ilinniagaqarneq

Inuussutissarsiutigalugu aalisartutut piniarnerlu saniatigooralugu tunngaviusumik ilinniagaqarneq

Ilinniagaq aalisariutersornissamut tunngaviusumik ilinniarfiuvoq.
Atuartup tunngaviusumik ilinniagaq naammassiguniuk aalisariutini aalisartutut sulilersinnaavoq. Ilinniagaq ukiunik marlunnik sapaatillu akunneri 11-nik sivisussuseqarpoq
ilinniagaq sisamanik immikkoortortaqarpoq, qaammatinilu 12-ini aalisariummi sulinermik misiliinertaqarluni.

Ilinniakkami tassani aalisarnermi atortut sananeqaataat taakkulu iluarsaannissaa, merianngunaveersaarneq, igaffimmi kiffartuussineq,umiarsuarmi atortulerinerit, aalisarneq, suliffimmi
isumannaallisaaneq, aqqitassanik svejserineq, motoorilerineq hydraulikkilerinerlu/imerpalasut naqitsinerannut tunngasulerineq, aalisarnermut ilinniarneq, aalisartutut umiartornermut
piukkunnassutsimut misilitsinneq, aningaasanik aqutsinermut inulerinermullu inatsit kiisalu piniartutut sulinermi misiliineq ilinniartitsissutigineqartarput.

Atuarnerup nalaani pikkorissarnerit makku aamma ingerlanneqassapput.
a) Umiarsuarmi qatserineq (Ullut tallimat)
b) Ikiueqqaarneq (Ullut marluk)
c) Aalisarnermi eqqiluisaarneq (Ullut tallimat)
d) Raatiulerineq LRC tuluttut (Ullut arfineq-marluk)
e) Napparsimasunik ikiuisartoq kiste B (Ullut tallimat)

Qinnuteqarneq ilinnialernissamullu piumasaqaatit
Qinnuteqartut meeqqat atuarfianni naammaginartumik angusaqarsimassapput 16-liisimasariaqarlutillu. Ilinniakkap aallartinnginnerani
ilinniartutut suliffimmik misiliinissamut isumaqatigiissut Imarsiornermik Ilinniarfiup, ilinniartup suliffimmillu misiliiffissap akornanni atsiorneqareersimassaaq. Tamatuma saniatigut peqqissutsimut allagartaq piumasaqaataammat allagartamik atuuttumik killilersuisuunngitsumik peqartariaqarputit tappissuusariaqarlutillu. Aammattaaq qalipaatinut tappiitsuussanngilatit.

Ilinniarfiit ingerlaqqiffiusut
Inuussutissarsiutigalugu aalisartunngorniatut tunngaviusumik ilinniagaqarnerup saniatigut minnerpaamik qaammatit 12-t atatiinnarlugit umiartorsimasutit umiartortutut allattorsimaffimmi
allaqqappat ilinniakkamik ingerlaqqillutik qalorsualiortutut imaluunniit aalisariutip naalagaatut ingerlaqqissinnaavutit.

Qaammatit 6-t kingorna inaarutaasumik misilitsissinnaavutit
Qalorsualiortutut imaluunniit aalisariutip naalagaattut 3. grad-tut. Ukioq ilivitsoq ingerlaqqikkuit aalisariutip naalagaattut 1. grad-tutangusaqarsinnaavutit. Aalisariutip naalagaatut naammassinerit atorlugu aalisariutinik annernik angallassisinnaatitaalissaatit.