Inuutissarsiutigalugu aalisarnermi piniarnermilu tapertaqartinneqartumik tunngaviusumik ilinniarneq:

Ilinniarneq aalisariutinut tunngaviusumik ilinniartitaaneruvoq. Ilinniartoq tunngaviusumik ilinniartitaaneq inaaruniuk aalisariutip qaavani aalisartutut sulilersinnaasaaq.

Inuusutissarsiutigalugu aalisartunngoruvit aalisariaatinut atuuttunut akuulissagavit. Inuutissarsiutigalugu aalisartumut ilinniarnermi piareersarneqassaatit  aalisartutut inuuniuteqarnermi unammilligassat naamattoorneqassinnaasartut upalunngaarfiginiarnissaanut.

Qinnuteqarfissaq kingulleq: Ukioq kaajallallugu 

Ilinniartitaanerup normua: 253011

Qinnuteqarnissamut immersugassaq: Ansøgning om uddannelser i Grønland

Sivisussusaa:  Ukiut marluk sapaatillu akunneri 11-it.  Ilinniartitaaneq ingerlanneqassaaq Paamiuni aamma Nuummi.

Ilinniarniartitaanerup aaqqissuusaanera: 

Inuutissarsiutigalugu aalisartuunerup ilinniartitaanera ukiuni marlunni sapaatip akunnerillu 11-it sivisussuseqarpoq.  ilinniartitaaneq assasornerujussuusaaq, ilinniarnerillu nikerartinneqasaaq  ilinniarfimmi aamma suliffillu misiliifigisaq. Ilinniarnerup ingerlanerani sisamariarlutit ilinniarfimmiikkumaarputit Imarsiornermik Ilinniarfik Paamiut aamma Imarsiornermik Ilinniarfik Nuuk saniatigullu pingasoriarlutit aalisariutini suliffimmi misiliigumaarputit:

Aalisariutini inuuniuteqarneq

1. Ilinniarfimmiineq (sapaatip akunnerini pingasuni): Tassani inuutissarsiutigalugu aalisartuuneq ilisaritinneqassaaq.
2. Aalisariutini suliffimmi misiliineq (qaammatini arfinillit missani).
3. Ilinniarfimmiineq (sapaatip akunnerini 11-it): Tassani ilinniartinneqassaatit aalisariaatit, allunaaserineq, sumiisusersiorneq, motoorimik paarsineq, ikumaneq aamma igaffik.
4. Aalisariutini suliffimmi misiliineq ( qaammatit pingasut missaani).
5. Ilinniarfimmiineq (sapaatip akunneri 11-it.) Tassani uku ilinnut atuartitsisutigineqassapput nakorsaataasivik B, iluarsiigallarnermik svejserineq, hydrauli, sulinermi isumannaallisaaneq, allunaaserineq, allaffissorneq / naatsorsuutit, STCW-isumannaallisaanermut pikkorissarneq aamma radiolerineq LRC.
6. Suliffimmi misiliineq (qaammatini pingasut missaani).

Piniarnermik inuutissarsiorneq

7. Ilinniarfimmiineq (sapaatip akunnerini 11-it): Tassani ilinniartinneqassaatit piniarnermut inatsisit, piniarnermi pissuserissaaneq, inuusutissat, ileqqut malillugit piniarneq, angallammiit puisinniarneq, Neqit nerpiilu nerisassiarineri, neqinik nerpinnillu panertitsineq, eqalunnik qalerallinillu pujoorineq.

Suliffimmi misiliinerni, misilittagaqarfigilerumaarpatit piniutinik ningitsineq amuarneq, aserfallatsaaliineq, angallatip qaavani pisaanik passussineq, lasti eqqanaarsarnera, pisaanik poortuineq, pigaartuuneq, elektroniskimik pisaaneq nalunaarsuineq, igaffimmi sulineq, maskiinanik paarsineq aserfallatsaalinerillu saniatigutillu usingiarneq tullialu angalanissaq periareersaaqataaffigalugu

Qinnuteqarneq, tigutinnissamullu piumasaqaatit:

Qinnuteqartut meeqqat atuarfiat inaarsimassavaat pitsaasumillu angusaqarfigisimassallugu, 16-leereersimassaatit angallataatilillu isumaqatigiisuteqarfigereersimassavat suliffimmut misiliisuteqarfigineqartussaq, ilinniarneq aalartinnginerani.

• Umiartortup  peqqissutimut uppernarsaataanik atuuttumik peqareersimassaatit.  (Ukiuni marluniik pisoqaanerussanngilaq)

Ilinniarnissamut ingerlariaqiffissat:

• Qalulerisunngorniarneq
• Qalulerisut aqutsisuatut ilinniarneq
• Fiskeskipperinut ilinniarneq