Trawlbas

Trawlbas-mut ilinniartitaaneq

Aalisariutip qaavani qalulerinermut ikiortitut imaluunniit qalulerisuni aqutsisutut  sulilertoqassinnaavoq, ilinniagaq una naammassigaanni.

Qinnuteqarfissaq kingulleq: Ukioq kaajallallugu

Ilinniartitaaneru normua: 253015

Qinnuteqarnissamut immersuiffissaq: Ansøgning om uddannelse Grønland

Piffissami ilinniarfiusumi ilinniagassat:

  • 26 pikkorissarneq, Suliffimmi pissutsit aamma svejserinermi kissartorlu atorlugu katiterinermi isumannaallisaaneq
  • Suliamut tunngasut pillugit atuarneq allannerlu
  • Tunngaviusumik kisitsineq
  • Tunngaviusumik matematikkerneq
  • Suliamut tunngatillugu allamiut oqaasii (qallunaatut tuluttullu)
  • Tunngaviusumik IT
  • Aalisartup atortuinik aserfallatsaaliuineq
  • Kilisaatit sunik sanaajunissaannik sananissaannillu toqqaaneq, kilisattuusaaneq misiliinerlu
  • Kilisaatissanik IT-mi nammineq ilusilersukkat tunngavigalugit kilisaatiusaliorneq
  • Aalisarnermik ilinniarneq

Suliassat:

Umiarsuarmi officerit allat qanimut suleqatigalugit qaavani sulianik siulersuineq. Pilersaarusiorneq kilisaatinillu aserfallatsaaliuineq.

Ilinnialernissamut piumasaqaatit:

Ilinniartussatut tigusaassagaanni ima piumasaqaateqarpoq:

  • Umiartortutut tunngaviusumik ilinniartitaaneq, soorlu Imarsiornermik Ilinniarfimmi assigisaaniluunniit, naammassisimasariaqarpoq, imaluunniit
  • Inuussutissarsiutigalugu aalisartuunermi isumannaallisaanermik pikkorissarsimasariaqarpoq
  • Sivikinnerpaamik ukiuni marlunni umiartorsimanermut uppernarsaateqartariaqarpoq.
  • Ukunani piginnaaneqarluartariaqarpoq: Matemattiki, IT, qallunaatoorneq tuluttoornerlu.
  • Umiarsuaateqarfimmi/umiarsuarmi praktikkerfissaqartariaqarpoq.

Ilinniartitaanerup sivisussusia aningaasaliinerlu:

Ilinniartitaaneq qaammatinik qulingiluanik tassa sapaatit-akunnerinik 30-nik sivisussuseqarpoq. Piffissat ilinniarfiusut marluupput, qalorsualiorfimmi praktikkerfiusoq ataaseq, aalisariummi praktikkerfiusut marluk.

  • Ilinniarfiusoq siulleq sapaatit-akunneri qulit
  • Qalorsualiorfimmi praktikkerfiusoq sapaatit-akunneri sisamat
  • Praktikkerneq siulleq (aalisariummi) sapaatit-akunneri arfinillit.
  • Praktikkernerup aappaa (aalisariummi) sapaatit-akunneri arfinillit.
  • Ilinniarfiusup aappaa (naammassiilluni) sapaatit-akunneri marluk.

Ilinniarneq sapaatit-akunnerini marlunni Imarsiornermik Ilinniarfimmi soraarummeernikkut allagartartaanikkullu naammassineqassaaq.

Aningaasaliisut

Scroll to Top