Aallartiffissaq: 23.07. 2025

Qinnuteqarfissaq: 15.05.2025

Ilinniarfik ingerlanneqassaaq: Paamiut, Nuuk aamma aalisariutini

Ilinniartitaanerup normua: 241012

Qinnuteqarnissamut immersuiffissaq:

Inuussutissarsiutitigut ilinniartitaanermut qinnuteqarit

Ilinniakkap aaqqissuussaanera imarisaalu:

Fiskeskipper af 1.grad ilinniarneq danskikkut inuunermi ilinniarnermi anguniakkat malillugit angusaqarnissamut qaffasissuseq 4-mi inissisimavoq.

Ilinniagaq aallaqqaataasoq ilinniartitsinermik aammalu umiarsuarmi sulinermi misiliilluni imaqarpoq. Ilinniarnermi atuartitsissutit naliginnaasut (assersuutigalugu matematikki, tuluttut aamma danskisut) aamma immikkut ilisimasanik atuartitsissutit (assersuutigalugu umiarsuarmi sulineq, imarsiornermi malittarisassat, kalerrisaarineq, imarsiornermi isumannaallisaaneq, ikuallattumik akiuineq, motoorinik aamma atortunik ilisimasaqarneq, ingerlaartitsineq, nakkutilliineq aammalu silasiornermut ilinniarneq) atuartitsissutigineqassapput. Sulinermi misiliilluni aallartinneqannginnerani, ilinniartoq imarsiornermi isumannaallisaaneq, ikiueqaarneq, imarsiornermi sulinermi isumannaallisaaneq aamma ikuallattoq akiornissaanut pillugit ilinniagaq naammassisimassavaa, STCW-kodip immikkoortuani A-VI/1, immikkoortup 2-mi aalajangersakkat naapertorlugit, minnerpaamik immikkoortuni 2.1.1.1, 2.1.1.2, 2.1.1.3 aamma 2.1.1.4-imi piumasaqaatit naammassisimassallugit aamma uppernarsaat pigissallugu. Ilinniartoq aamma immikkut umiarsuarni isumannaallisaanermi suliassat pillugit STCW-kodip tabeli A-VI/6-2 naapertorlugu ilinniagaq naammassisimassavaa aamma uppernarsaat pigissallugu.

Sulinermi misiliilluni akissarsiaqartinneqassaaq aamma umiarsuarmi ilaasutut ingerlanneqassaaq.

Fiskeskipperimut ilinniagaq atuagarsornikkut tunngaveqarpoq aamma piviusuusaartitsivikkut (simulator) atorlugu ingerlaartitsinermik imaqarpoq. Atuartitsissutit ilaatigut ingerlaartitsineq, nakkutilliineq, silassiornermut ilinniarneq, motoorinik ilisimasaqarneq, imarsiornermi isumannaallisaaneq, umiarsuarmi ikuallattoq akiornissaanut, umiarsuarmi aqutsineq, imarsiornermi inatsisit, umiarsuarmi sulineq, danskisut aamma tuluttut, aamma navianartunik assartuinermi isumannaallisaaneq atuartitsissutigineqassapput.

Fiskeskipper af 1. grad-iuniaraanni ilanngullugit ilinniarneqassapput biologi, immamut ilinniarneq aamma aalisarnermut ilinniarneq.

Fiskeskipper af 1.grad-mut ilinniagaq niuffagiutinut sætteskipperimut naleqqiullugu assigiipput.

Nalunaarutit fiskeskipper af 1.grad ilinniartitaanermut

https://www.retsinformation.dk/eli/lta/2015/963

https://www.retsinformation.dk/eli/lta/2016/1621 

https://www.retsinformation.dk/eli/lta/2016/1587

Suliffigisaq:

Fiskeskipperi aalisariutini aquttutut, naalakkatut aamma sulisunut aqutsisutut ingerlatsissaaq. Fiskeskipper af 1. grad-itut sulininni aalisariutini qanorluunniit angissuseqartuni imaani tamani naalakkatut pisinnaatitaavutit.

Sivisussusia:

Fiskeskipper af 1. grad-itut ilinniarneq ukiuni sisamani qaammatinik 9-inik sivisussuseqarpoq.  

Tigutinnissamut piumasaqaatit:

Fiskeskipper af 1. grad-itut ilinniarneq aallartinniassagukku, ilinniarnissamut piumasaqaatit makkua naammassineqaqqaassapput:

1. Meeqqat atuarfianni soraarummeersimanissaq danskisut aamma matematikkimi minnerpaamik karakter E-mik angusaqarsimaneq
2. Ukioq 17½-inik ukioqarsimaneq
3. Imarsiornermi peqqinnissamik uppernarsaat atuuttoq pigineqassaaq
4. Umiarsuarmi nasittuusinnaaneq imaluunniit,
5. angallataatilimmik ilinniarnissamut isumaqatigiissuteqarsimagaani 16-inik ukioqareerlunilu IMALUUNNIIT
6. Tamakkiisumik naliliineq oqaloqatigiinnermi aamma misilitsinnermi tunngavigalugu, qinnuteqartoq ilinniakkamik naammassinnissinnaasoq nalilerneqarsimassaaq. 

Aningaasaqarneq:

Ilinniarnersiuteqarnissamut qinnuteqartoqarsinnaavoq.