Aallartiffissaq: 23.07.2025

Qinnuteqarfissaq: 15.05.2025

Ilinniarfik ingerlanneqassaaq: Paamiut, Nuuk aamma aalisariutini

Ilinniartitaanerup normua: 241012

Qinnuteqarnissamut immersuiffissaq: Inuussutissarsiutitigut ilinniartitaanermut qinnuteqarit

Ilinniakkap aaqqissuussaanera imarisaalu:

Imarsiornermi tunngaviusumik ilinniarneq danskikkut inuunermi ilinniarnermi anguniakkat malillugit angusaqarnissamut qaffasissuseq 3-mi inissisimavoq.

Ilinniagaq aallaqqaataasoq ilinniartitsinermik aammalu umiarsuarmi sulinermi misiliilluni imaqarpoq. Ilinniarnermi atuartitsissutit nalinginnaasut (assersuutigalugu matematikki, tuluttut aamma danskisut) aamma immikkut ilisimasanik atuartitsissutit (assersuutigalugu umiarsuarmi sulineq, imaani malittarisassat, kalerrisaarineq, imarsiornermi isumannaallisaaneq, ikuallattoq akiornissaanut, motoorinik aamma atortunik ilisimasaqarneq, ingerlaartitsineq, nakkutilliineq aammalu silasiornermut ilinniarneq) atuartitsissutigineqassapput. Sulinermi misiliilluni aallartinneqannginnerani, ilinniartoq imarsiornermi isumannaallisaaneq, ikiueqaarneq, imarsiornermi sulinermi isumannaallisaaneq aamma ikuallattoq akiornissaanut pillugit ilinniagaq naammassisimassavaa, STCW-kodip immikkoortuani A-VI/1, immikkoortup 2-mi aalajangersakkat naapertorlugit, minnerpaamik immikkoortuni 2.1.1.1, 2.1.1.2, 2.1.1.3 aamma 2.1.1.4-imi piumasaqaatit naammassisimassallugit aamma uppernarsaat pigissallugu. Ilinniartoq aamma immikkut umiarsuarni isumannaallisaanermi suliassat pillugit STCW-kodip tabeli A-VI/6-2 naapertorlugu ilinniagaq naammassisimassavaa aamma uppernarsaat pigissallugu.

Sulinermi misiliilluni akissarsiaqartinneqassaaq aamma umiarsuarmi ilaasutut ingerlanneqassaaq.

Fiskeskipperimut ilinniagaq atuagarsornikkut tunngaveqarpoq aamma piviusuusaartitsivikkut (simulator) atorlugu ingerlaartitsinermik imaqarpoq. Atuartitsissutit ilaatigut ingerlaartitsineq, nakkutilliineq, silasiornermut ilinniarneq, motoorinik ilisimasaqarneq, imarsiornermi isumannaallisaaneq, umiarsuarmi ikuallattoq akiornissaanut, umiarsuarmi aqutsineq, imarsiornermi inatsisit, umiarsuarmi sulineq, danskisut aamma tuluttut, aamma navianartunik assartuinermi isumannaallisaaneq atuartitsissutigineqassapput.

Fiskeskipper af 3.grad-mut ilinniagaq niuffagiutinut kystskipperimut naleqqiullugu assigiipput.

Nalunaarutit fiskeskipper af 3.grad ilinniartitaanermut

https://www.retsinformation.dk/eli/lta/2015/963

https://www.retsinformation.dk/eli/lta/2016/1621 

Suliffigisaq:

Aalisariutini aquttoq imaluunniit naalagaq.  Aalisariutini 15 – 45 meter angissusilinni naalagaanerit, sinerissap qanittuani angalasuni Fiskeskipper af 3. grad-itut imaani inuussutissarsiuteqarnermut allagartaqartussaapput. Naalagaq imarsiornermi sulisunut aqutsisuussaaq, talinnganermilu usilersornermi usingiarnermilu aqutsisassalluni.

Sivisussusia:

Fiskeskipper af 3. grad-itut ilinniarneq Ukiut pingasut qaammatini 9-ini sivisussuseqarpoq.

Tigutinnissamut piumasaqaatit:

Fiskeskipper af 3. grad-itut ilinniarnerit aallartissagukku isernissamut piumasaqaatit makkua piumasarineqarput:

1. Meeqqat atuarfianni soraarummeersimanissaq danskisut aammalu matematikkimi minnerpaamik karakter E-mik angusaqarsimaneq
2. Ukioq 17½-inik ukioqarsimaneq
3. Imarsiornermi peqqinnissamik uppernarsaat atuuttoq pigineqassaaq
4. Umiarsuarmi nasittuusinnaaneq imaluunniit,
5. angallataatilimmik ilinniarnissamut isumaqatigiissuteqarsimagaani 16-inik ukioqareerlunilu IMALUUNNIIT
6. Tamakkiisumik naliliineq oqaloqatigiinnermi aamma misilitsinnermi tunngavigalugu, qinnuteqartoq ilinniakkamik naammassinnissinnaasoq nalilerneqarsimassaaq.

Aningaasatigut:

Ilinniagaqarnissamut tapersersorneqarnissamut qinnuteqarsinnaavoq.

Ilanngullugu ilinniarnissamut periarfissat:

Fiskeskipper af 1.grad ilinniarneq.