Aallartiffissaq: 23.07.2025

Qinnuteqarfissaq kingulleq: 15.05.2025

Ilinniarfik ingerlanneqassaaq: Paamiut, Nuuk aamma niuffagiutini

Ilinniakkap normua: 253026

Qinnuteqarnissamut immersugassaq: Inuussutissarsiutitigut ilinniartitaanermut qinnuteqarit

Suliassaq:

Sætteskipperimut ilinniagaq inuttap imarsiornermi aqutsinermi suliassanik akisussaaffeqarsinnaalersinnissaa anguniarlugu suliarineqarsimavoq. Ilinniagaq naammassineqareerpat aamma naleqquttumik umiarsuarnut ingerlaarsimanerit naammassineqareerpata, ilinniarsimasoq aquttutut atorfeqarsinnaavoq kiisalu 3.000 BT tikillugu angissusilinnik niuernermi umiarsuarni angallassisinnaalluni.

Ilinniakkap naleqqersuutaa aammalu anguniagai:

Imarsiornermi tunngaviusumik ilinniarneq danskikkut inuunermi ilinniarnermi anguniakkat malillugit angusaqarnissamut qaffasissuseq 4-mi inissisimavoq., aammalu STCW-konventionimi piumasaqaatit naapertorlugit aaqqissuussaavoq.

Ilinniakkap aaqqissuussaanera aammalu imarisaa:

Tunngaviusumik imaani Ilinniarnermi ilinniarfimmi aamma umiarsuarmi sulilluni misiliinermi imaqarpoq. Atuartitsissutit nalinginnaasut (ass. matematiki, tuluttut, danskisut) aamma immikkut imarsiornermut tunngasut (ass. umiarsuarmi sulineq, imarsiornermi inatsisit, kalerrisaarineq, imarsiornermi isumannaallisaaneq, ikiuveqaarneq aamma motorinik atortunillu ilisimasaqarneq, ingerlaartitsineq, nakkutilliineq, silaannarmik ilisimasaqarneq) atuartitsissutigineqassapput.

Sulilluni misiliineq aallartinneqannginnerani, ilinniartoq STCW-kodip immikkoortuani A-VI/1, § 2-mi, minnerpaamik punktini 2.1.1.1 – 2.1.1.4-imi piumasaqaatit naapertorlugit, imaani sulinermi isumannaallisaaneq, ikuallattorlu akiornissaanut, sulinermi isumannaallisaaneq aamma ikiueqqaarneq pillugit ilinniagaq naammassisimassavaa aamma uppernarsaat pigissallugu.

Tamatuma saniatigut ilinniartoq STCW-kodip tabel A-VI/6-2 naapertorlugu umiarsuarni immikkut isumannaallisaanermik suliassanik ilinniagaqarsimanissamik uppernarsaat pigissavaa.

Sulilluni misiliineq tassaavoq akissarsiaqartinneqarluni sulinermi misiliineq, umiarsuarmi ilaasutut ingerlanneqarpoq.

Kystskipperimut ilinniakkat atuagarsornikkut tunngaveqarput aamma piviusuusaartitsinikkut (simulator) atorlugu ingerlaartitsineq ilaavoq. Atuartitsissutit ilaatigut tassaapput: ingerlaartitsineq, nakkutilliineq, silasiornermut ilinniarneq, motorimik ilisimasaqarneq, imaani sulinermi isumannaallisaaneq, ikiueqqaarneq, umiarsuup aqunneqarnera, imarsiornermi inatsisit, umiarsuarmi sulineq, danskisut aamma tuluttut, aamma navianartunik assartuinermi periuserineqartunik ilisimasaqarneq.

Kystskipperimik ilinniagaqarsimasoq fiskeskipperimut 3. gradsimut naleqqiullugu assigiipput.

Sætteskipperimut ilinniartitsinermi immikkoortut:

Ingerlaartitsineq aamma nakkutilliineq: aquttarfimmi pigaartuuneq, imaani malitassat aamma silasiornermut ilinniarneq. 

Imarsiornermi inatsisit aammalu aqutsineq: Sulinermi ajoqusernerit, umiarsuup uppernarsaattai aamma IT-mut atuineq

Aqutsineq aamma attaveqatigiinneq: Crew management, kulturimik paasinninneq aamma pissusilersorneq peqqissaartoq

Imarsiornermi isumannaallisaaneq: Sulinermi avatangiisit aamma sillimaniarnermi sungiusarnerit

Umiarsuup teknikii: Aserfallatsaaliuvineq, amutsivik aamma navianartunik assartuinermi periuseqarluni ilisimasaqarneq

Sætteskipperimik ilinniagaqarsimasoq fiskeskipperimut 1. gradsimut naleqqiullugu assigiipput.

Sulinermi misiliilluni ingerlanneqassaaq akissarsiaqartinneqarluni sulinermi misiliineq umiarsuarmi ilaasuvoq.

Nalunaarut imaani tunngaviusumik ilinniartitaaneq (GMU):

https://www.retsinformation.dk/eli/lta/2021/2311

https://www.retsinformation.dk/eli/lta/2018/798

https://www.retsinformation.dk/eli/lta/2023/900

Sivisussusaa:

Sætteskipperimut ilinniarneq ukiut 5½ sivisussuseqarpoq.

Tigutinnissamut piumasaqaatit:

Sætteskipperimut ilinniarneq aallartikkusukkukku uku piumasaqaataapput:

1. Folkeskolemi soraarummeersimanissaq danskisut, tuluttut aammalu matematikkimi minnerpaamik karakter E
2. Ukiut 17½-inik ukioqarsimaneq
3. Imarsiornermi peqqinnissamik uppernarsaat atuuttoq pigineqassaaq aamma nasittuusinnaarnermut naleqquttumik inissisimaneq Imaluunniit:
4. Angallataatilimmik ilinniarnissamut isumaqatigiissuteqarsimagaani 16-inik ukioqareerlunilu IMALUUNNIIT
5. Tamakkiisumik naliliineq oqaloqatigiinnermi aamma misilitsinnermi tunngavigalugu, qinnuteqartoq ilinniakkamik naammassinnissinnaasoq nalilerneqarsimassaaq.

Aningaasatigut:

Ilinniagaqarnissamut tapersersorneqarnissamut qinnuteqartoqarsinnaavoq.

Ilanngullugu ilinniarnissamut periarfissat:

Skibsførerimut ilinniarneq Danmarkimi ingerlanneqartoq.