Inuussutissarsiutigalugu aalisartutut piniarnerlu saniatigooralugu tunngaviusumik ilinniarneq

Inuussutissarsiutigalugu aalisartutut piniarnerlu saniatigooralugu tunngaviusumik ilinniarneq:

Ilinniagaq aalisariutersornissamut tunngaviusumik ilinniarfiuvoq Atuartup tunngaviusumik ilinniagaq naammassiguniuk aalisariutini aalisartutut sulilersinnaavoq.

Qinnuteqarnissamut immersuiffissaq: Ansøgning om uddannelse i Grønland


Sivisussuseq: Ukiut 2 1/4. Ilinniartitaaneq Paamiuni aamma Nuummi ingerlanneqartarpoq 

 Ilinniartitaanerup aaqqissuusaanera: 

Ilinniagaq ukiunik marlunnik sapaatillu akunneri 11-nik sivisussuseqarpoq, ilinniagaq sisamanik immikkoortortaqarpoq, qaammatinilu 12-ini aalisariummi sulinermik misiliinertaqarluni. 

Ilinniakkami tassani aalisarnermi atortut sananeqaataat taakkulu iluarsaannissaa, merianngunaveersaarneq, igaffimmi kiffartuussineq, umiarsuarmi atortulerinerit, aalisaeneq, suliffimmi isumannaallisaaneq, aqqitassanik sverineq, motoorilerineq hydraulikkilerinerlu/imerpalasut naqitsineranut tunngasulerineq, aalisarneq ilinniarneq, aalisartutut umiartornermut piukkunnassutsimut misilitsinneq, angingaasanik aqutsinermut inulerinermullu inatsit kiisalu piniartutut sulinermi misiliineq ilinniartitsissutigineqartarput. 

 

Atuarnerup nalaani pikkorissarnerit makku aamma ingerlanneqassapput: 

A) Umiarsuarmi qatserineq (Ullut tallimat)

B) Ikiueqqaaneq (Ullut marluk)

C) Aalisarnermi eqqiluisaarneq (Ullut tallimat)

D) Raatiulerineq LRC tuluttut (Ullut arfineq marluk)

E) Nappasimasunik ikiusartoq kiste B (Ullut tallimat)

Qinnuteqarneq ilinniarlernissamullu piumasaqaatit:

Qinnuteqartut meeqqat atuarfianni naammaginartumik angusarsimassapput 16-liisimasariaqarlutillu. Ilinniakkap aallartinnginnerani ilinniartutut suliffimmik misiliinissamut isumaqatigiissut Imarsiornermik Ilinniarfiup, ilinniartup suliffimmilu misiliiffissap akornanni atsiorneqareersimassaaq. Tamatuma saniatigut peqqissutsimut allagartaq piumasaqaataammat allagartamik atuuttumik killilersuisuungitsumik peqartariaqarputit tappissuusariaqarlutillu. Aammattaaq qalipaatinut tappiitsuussanngilatit. 

 

Ilinniarfiit ingerlaqqiffiusut

Inuussutissarsiutigalugu aalisartunngorniartut tunngaviusumik ilinniagaqarnerup saniatigut minnerpaamik qaammatit 12-t atatiinarlugit umiartorsimasutit umiartortutut allattorsimaffimmi allaqqappat ilinniakkamik ingerlaqqillutik qalorsualiortutut imaluunniit aalisariutip naalagaatut ingerlaqqissinnaavutit. Qaammatit 6-t kingorna inaarutaasumik misilitsissinnaavutit qalorsualiortutut imaluunniit aalisariutip naalagaattut 3.grad-tut. Ukioq ilivitsoq ingerlaqqikkuit aalisariutip naalagaattut 1.grad-tut angusaqarsinnaavutit. Aalisariutip naalagaatut naammassinerit atorlugu aalisariutinik annernik angallassisinnaatitaalissaatit

 

 

Aningaasaliisut

Scroll to Top