Imarsiornermik Ilinniarfimmut ilinniartussatut qinnuteqassaguit, Kalaallit Nunaanni ilinniartoqarfiit allat assigalugit qinnuteqarnissat najugaqarfinni Majoriaq aqqutigalugu qinnuteqassaatit. Majoriami siunnersortip ikiussavaatit qinnuteqaatippit saniatigut uppernarsaatit suut ilanngunneqassanersut kiisalu ilinniarnerpit saniatigut ineqarnissannut qinnuteqaatip qinnutiginissaanut tunngasoq ilanngullugu. Ilinniagaqarnersiuteqarnissamut qinnuteqaatit automatiskimik ingerlasussaavoq ilinniartitaanermut tigusaanerit nalunaarutigineqarpat.

Imarsiornermik Ilinniarfiup qinnuteqaatit tigoreeruniuk misissussavaa, toqqaannartumillu kingorna attavigalutit. Ajornanngippat oqarasuaat imaluunniit e-mail-itut nalunaarutigineqartoq aqqutigalugu, ilinniarnissannut akuerisaasimanersutit, imaluunniit qinnuteqarninni uppernarsaatinik arlaannik amigaateqarsimanersutit imaluunniit qinnuteqaatinnut itigartitaasimanersutit.

Martsip aallaqqaataa 2016 aallarnerfigalugu ilinniartut TAMARMIK najugaqarfissamik Nuummi pisariaqartitsisut KAF toqqaannartumik aqqutigalugu qinnuteqartartussapput. Manna tikillugu imaappoq ilinniarniartut ataasiakkaat namminneq najugaqarfissaminnik qinnuteqartarlutik, imaluunniit ilinniarfeqarfiup ilinniartussami najugaqarnissaanut qinnuteqarnermi ikiussallugu.

Qinnuteqarneq pisarpoq KAF-ip nittartagaatigut, tassani ineqarnissamut qinnuteqarfissaq aammalu paasissutissat naleqqutut tamarmik pissarsiarineqarsinnaallutik.

Ilinniarniartut qinnuteqarnerminnut atatillugu paasissutissat nassiussassaat makkuupput:

• Aalajangersimasumik najugaqarnermut uppernarsaat
• Ilinniarfimmut tigusaanermut allagartaq uppernarsaat
• Ilinniartitaanerup nalaani, piffissaliussat ilinniartitaanerup nalaani najugaqarfimmik pisariaqartit-sinermik nalunaarsuutit TAMAASA

Ilinniartitaanerup nalaani najugaqarfissamik ilaqutariinnut najugaqarfissamik pisariaqartitsisoqarpat, tamatumunnga tunngavilersuutit ilanngullugit nassiunneqassapput, Nuummimi ilinniartunut najugaqarfissat ajoraluartumik amigaataaneri pissutaammat.

Qinnuteqarnermi e-mail-itut adresserineqartutut nalunaarutigineqartumut angalanissamut pilersaarut, billetseq il.il. nassiunneqassapput, e-mail-itut adresseqanngikkuit pisortatigoortumik qinnuteqarfigisannut nassiunneqassapput, tassalu Majoriaq, nunaqarfiup allaffia il.il. aqqutigalugit.

Ilinnialernissamut tifusaanermut paasissutissanik allanik pisariaqartitsissaguit qujarunnassagaluarpoq oqa-rasuaammut +299 348787-imut imaluunniit e-mail: maritim@maritim.gl-imut saaffiginnittuuguit.