Fiskeskipper af 3. grad
Aallartiffissaq: 07.01.2025
Qinnuteqarfissaq: 15.11.2024
Ilinniartitaanerup normua: 241012
Qinnuteqarnissamut immersuiffissaq: Ansøgning om uddannelse Grønland
Ilinniartitaaneq Nuummi ingerlanneqarpoq
Ilinniartitaanerup imarisai:
Fiskeskipper af 3. grad-itut ilinniartitaanermi ilaatinneqarput tuluttoorneq, isumannaallisaaneq aamma avatangiisinik illersuineq, sumiissusersiorneq, pigaartoqarneq, skibsteknik, søret, silasiorneq, takussaasumik kalerrisaarineq, aalisarnermut inatsiseqarneq, imaani isumannaallisaaneq, aalisakkanik ujarlernermi aammalu sumiissusersiornermi atortut kiisalu pc-imik atuineq. Ilanngullugu ilinniarneqassapput immikkut pikkorissarnerit: sungiusaatigalugu angalaneq, peqqinnissamut ilinniarneq, radar, radio, maskiinanik ilinniarnerit, ikuallattumik akiuineq, pujorsiorneq (røgdykning) kiisalu ikuallattumik qamisaanermi aqutsineq.
Suliffigisaq:
Aalisariutini aquttoq imaluunniit naalagaq. Aalisariutini 20 – 500 BT-itut angissusilinni naalagaanerit, sinerissap qanittuani angalasuni Fiskeskipper af 3. grad-itut imaani inuussutissarsiuteqarnermut allagartaqartussaapput. Naalagaq imarsiornermi sulisunut aqutsisuussaaq, talinnganermilu usilersornermi usingiarnermilu aqutsisassalluni.
Sivisussusia:
Fiskeskipper af 3. grad-itut ilinniarneq qaammatini 5-ini sivisussuseqarpoq.
Ilinnialernissamut piumasaqaatit:
Fiskeskipper af 3. grad-itut ilinniarnerit aallartissagukku isernissamut piumasaqaatit makkua piumasarineqarput:
- Meeqqat atuarfianni naggataarutaasumik misilitsinneq naammassisimassavat.
- Sivikinnerpaamik umiarsuarni 12 meterit sinnerlugit angissusilinni qaammatini 24-ini a-ngalasimassaatit. Tunngaviusumik ilinniartitaaneq imaluunniit skoleskibimi ilinniarsimaneq naammassisimagukku qaammatini 18-ini angalasimanissaq piumasaqaataavoq. Eqqaamallugu aalisariutini sivikinnerpaamik qaammatini 12-ini angalaleersimassagavit. Angalasimaneq søfartsbog-imi uppernarsarneqarsimassaaq.
- Ilanngullugu peqqinnermut allagartaq atuuttuusoq aamma imarsiortutut allagartaq (atuagaq tungujortoq) atuuttuusoq pigissagakkit.
Aningaasaqarneq:
Ilinniarnersiuteqarneq qinnutigineqarsinnaavoq.
Aningaasaliisut
![](https://maritim.gl/wp-content/uploads/2020/03/Polar-Seafood-Logo-e1575480978684.png)
![](https://maritim.gl/wp-content/uploads/2020/03/Ice-Trawl-Greenland-e1575481209133.jpeg)
![](https://maritim.gl/wp-content/uploads/2020/03/Arctic-Prime-Fisheries-e1575481116768.png)
![](https://maritim.gl/wp-content/uploads/2020/03/Niisa-Trawl-Regina-C-e1575480897233.jpg)
![](https://maritim.gl/wp-content/uploads/2020/03/Royal-Greenland-Logo-e1575480926897.png)