Atuarneq tulleq aallartissaaq: 12.01. 2026

Qinnuteqarnissamut killigititaq: 15.11.2025

Ilinniagaq normu: 242013

Qinnuteqarnissamut immersugassaq: Inuussutissarsiutitigut ilinniartitaanermut qinnuteqarit

Ilinniarneq ingerlanneqassaaq: Paamiut, Nuuk aamma niuffagiutini

Suliffissamut periarfissat:

Imarsiornermi tunngaviusumik ilinniartitsineq siunertaqarpoq imarsiornermi suliffigisassamut suliffeqarnissamik kissaateqartunut, atuagarsornikkut suliffimmilu misiliinikkut tunngaviusumik ilinniartinneqarnissaat, taamaalillutik angallatip qaavani aamma motoorip immikkoortuini sulinermi isumannaallisaanikkut naleqquttumik sulinissamut piginnaaneqalernissaat.

Ilinniarnissamut piumasaqaatit:

1. Meeqqat atuarfianni naggataarutaasumik danskimi aamma matematikkimi 9.-mi imaluunniit 10.klassemi misilitsinnermi karakterit agguaqatigiissinneranni minnerpaamik E anguneqarsimassaaq, imaluunniit misilitsinnermi assingusumik angusaqarsimassasoq, imaluunniit

2.Tamakkiisumik qinnuteqartup tunuliaqutaanik aamma   oqaloqatigiinnermi misilitsinnermi/naliliinermiluunniit tunngaveqartumik, qinnuteqartoq ilinniakkamik naammassinissinnaasorineqarpat. 

3.Qinnuteqartoq 17 ½ ukioqalereersimassaaq, peqqissuussariaqarpoq, takussinnaassuseqassaaq tusarnaarsinnaassuserlu nalinginnaassaaq.

Imaluunniit

4.Angallataatilimik isumaqatigiissuteqartoq, ilinniarnissamut isumaqatigiissusiorluni, taanna ilinniarnissamut akuerineqarsinnaavoq piumasaqaataasunit immikkoortuni 2 aamma 3 piginngikkaluarlugit, piumasaqaataavoq qinnuteqartoq 16 ukioqalereersimassalluni.

Matematikimi, danskimi aammalu tuluttummi pitsaasumik piginnaaneqarluartariaqarpoq.

Imarsiornermi tunngaviusumik ilinniarneq pillugu nalunaarut (GMU):

https://www.retsinformation.dk/eli/lta/2021/2311

Ilinniarnerup aaqqissuussaanera imarisaaneralu:

Imarsiornermi tunngaviusumik ilinniarneq danskikkut inuunermi ilinniarnermi anguniakkat malillugit angusaqarnissamut qaffasissuseq 3-mi inissisimavoq.

Ilinniarneq atuarfimmi ilinniartitsinermik aamma angallatini misiliilluni sulinermi imaqarpoq. Ilinniarnermi atuarfiup iluani nalinginnaasumik ilinniartitsisoqarpoq (assersuutigalugu matematikki, tuluttut danskikkullu oqaatsinik) aamma immikkut imarsiornermik sammivilinnik (assersuutigalugu imarsiorneq, imaani malittarisassat  kalerrisaarutit, imarsiornermi isumannaallisaanerit, ikuallattoqarnerani pitsaassutsimik ingerlatsineq kiisalu motoorinik sakkunillu ilinniartitsineq).

Sulinermi misiliilluni aallartinneqarnissaa sioqqullugu ilinniartoq imarsiornermi isumannaallisaanermut, ikiueqqaaneq, imarsiornermi sulinermi isumannaallisaanermut aammalu ikuallattoqarnerani ingerlatsinermut tunngatillugu ilinniartitsissutigineqartartunik naammassisimassaaq, STCW kodip immikkoortuani A-VI/1, paragraf 2 naapertorlugu, minnerpaamik immikkoortuni 2.1.1.1, 2.1.1.2, 2.1.1.3 aamma 2.1.1.4 tunngavigalugit uppernarsaat pigisariaqarpoq. Ilinniartoq aamma STCW kodip immikkoortuata A-VI/6-2 naapertorlugu immikkut umiarsuarmi isumannaallisaanermut sungiusarnermi uppernarsaat pigisariaqarpoq.

Sulinermi misiliilluni aallartissaaq angallatini aningaasarsiat atorlugit sulinermi misiliineq.

Sivisussusia:

Ukiut 3

Ilinniartutut tiguneqartut kuisinnermut allagartamik aamma inuup normuata uppernarsaataanik nassassapput søfartsbog-itaarnissaq pissutsigalugu, kiisalu Isigisaqarnermut aamma tusaasaqarnermut misissuinerit allagartaannik atuuttuusunik aamma Imarsiortutut nakorsanik misissortinnermut uppernarsaammik atuuttuusumik nassassallutik. Qinnuteqarnermut immersugassat ilinniarfimmut saaffiginninnikkut pissarsiarineqarsinnaapput.

Ilinniarnerup kingorna ingerlaqqiffissat periarfissallu:

Kystskipperimut naggataatigulli sætteskipperimut ilinniarneq.