Tunngaviusumik qalulerisoq

Tunngaviusumik qalulerisunngorniarnermut ilinniarneq:

Aalisariutip qaavani qalulerinermut ikiortitut imaluunniit qalulerivinni ikiortitut sulilertoqassinnaavoq, ilinniagaq una naammassigaanni.

Qinnuteqarfissaq kingulleq: 15. november 2020

Aallartiffissaq: Ukiut tamaasa januarimiit – juni-mut ilinniarneq ingerlasarpoq, Paamiuni.

Sivisussuseq: Sapaatip akunneri 20-it.

Ilinniagassat:

Tunngaviusumik qalulerisunngornianermi ilinniassavatit aalisariaatsit sananeqannerani teknikkikkut tunngavii. Tassani ilaapput kisitsineq, atortut titartarneqanneri, iluarsiineq uuttortaanerlu.

Qalulerinermut ilinniarneq immikkuullarissuuvoq piniutit teknologiuanut ilinniarnerulluni. Naamaginartumik ilinniakkamik ingerlatsereernikkut ilinniarnikuunermut uppernarsaat tunniunneqassaq tunngaviusumik qalulerinermut ilinniagalittut. Kingorna atorfinittoqassinnaavoq qalulerinermi ikiorti imalunniit nunami qalulerivinni ikiorti.

Assingusumik ilinniakkat:

Assingusoqanngilaq

Ilinniarnermi aqqusaagassat imarisaallu ilaatigut ukuupput:

  • Aalisarnermut atortut sananeqannerat
  • Atortut pissusaat immap ataani
  • Aalisarnermut atortorissaarutaasartut
  • Atortunik ilinniarneq
  • Qalulerineq
  • Atortut titartagaasa pasinissaat
  • Suliamut tunngassuteqartumut kisitsisinnaaneq, aalisasakkat pinngortitaaneri aammalu inatsisilerineq.

Piumasaqaatit:

Una ilinniagaq ingerlatissagaani, ilinniarfimmiit kissaatiginarnerpaajusarpoq, ilinniartussaq aalisariutini angalasareersimanissaq aamma aalisariutip qaavani misilittagaqassimaneq.

Immikkut ittumik ilinniarfiup inspektørianiit akuerineqassinnaavutit, tunngaviusumik qalulerinermut ilinniarniarninnut. Tunngaviusumik imarsiornikkut ilinniartitaaneq angusarissaarfigisimagukku aamma pissuserissaafigineqassimappat.

Ilinniaqqinnissamut periarfissat:

Qalulerisutut imarmi inuuneq pingaartillugulu piumalluassavat timillu sulinermi atorluarsinnaassallugu timimut sulineq artornarsinnaammat. Piffissat suliffissat allanngorartut suliffigissavatit. Aningaasarsiutigalugu aalisartunngornissaq toqqassagukku pinngortitami sapinngisatit misilittarluarnissai periarfissarilissavat. Nalunaaqutaq aaliangersimasoq suliffiunngilaq, pisaqarnitit naapertorlugit akissarsiaqartinneqassaatit akiligassat aaliangersimasut ilanngaatereerpata.

Aningaasaliisut

Scroll to Top