Inuussutissarsiorluni aalisarnermi imaatigut isumannaallisaanermut pikkorissarneq

Angissusaa apeqqutaatinnagu aalisariummi suliumasunut tamanut inatsisit malillugit pisussaaffittut pikkorissarneq.

Pikkorissarnerup siunertaa:

Imarsiortunut aamma aalisartunut piginnaasanut piumasaqaatit pillugit Erhvervsministerie-p nalunaarutaa nr. 1145 29/9-2015-imeersoq naapertorlugu angissusaa apeqqutaatinnagu aalisariummi sulinissamik kissaateqartut inuit tamarmik minnerpaamik inuussutissarsiorluni aalisarnermi isumannaallisaanermut pikkorissarneq ingerlassimasussaavaat.

Isumannaallisaanermut pikkorissarnerup naammassineratigut ilinniartup makkua piginnaasaqarfigilissavai:

Aalisariummi sulinermi isumannaallisaaneq pillugu tunngaviusumik ilisimasassaqarneq suliallu suliarinerani peqqinnermut aamma isumannaallisaanermut tunngasuni navianaatit pillugit ilisimanninneq

Imaatigut annaassiniarnermut atortut nalinginnaasumik angallammiittunik atuisinnaanermik pikkoriffeqarnermik angusaqarneq

Imaatigut annaassiniaanermut atortut akuerisaasut pillugit ilisimasaqalersimassalluni

Imaatigut annaassiniaanermut atortunik misissuisinnaanermik aserfallatsaaliuisinnaanermillu piginnaasaqalersimassalluni

Aalisarnermik inuussutissarsiorneq pillugu inatsisinut tunngasut pissutsit pillugit ilisimatinneqarsimassalluni.

Tigutinnissamut piumasaqaatit:

Pikkorissartussaq timikkut qasujaatsuussaaq aamma imarsiortunut peqqissutsimut uppernarsaammik pissarsisinnaassalluni

Pikkorissartussaq tigutitsinnani 18-ileereersimassaaq

Pikkorissarneq PKU-mik pikkorissarneruvoq ilaatigut makkuninnga nassataqartoq:

pikkorissarneq pingaartumik sulisunut ilinniarsimanngitsunut 25-ileereernikunut qummullu sammisuuvoq. Utoqqaassutsimut piumasaqaammut immikkut qinnuteqartoqarsinnaavoq qinnuteqartoq pikkorissarnerup naammassinerata kingorna aalisartutut sulilernissaq pillugu isumaqatigiissuteqarsimappat imaluunniit kommunimiit periusissamut pilersaarummik aalisartutut sulilernissap tungaanut tikkuussisumik uppernarsaatissaqarpat.

pikkorissarnermi inissaqarpat sulisut ilinniarsimasut peqataasinnaasut

ilinniarsimanngitsut sulisut peqataanerannut sulisitsisoq akissarsisitsinernut utertooruteqassasoq

sulisut ilinniarsimasut peqataanerannut akissarsianut utertooruteqanngitsoq/pikkorissarnermut taarsiissuteqanngitsoq aamma

sulisitsisumut qinnuteqaatinut periaatsit erseqqissumik paasiuminartumillu ussassaarummi oqaaseqatigiiliorneqassammat.

innuttaasunut suliffeqanngitsunut kommuni sulisitsisutut inississinnaalluni.

suliffeqanngitsut ilinniarsimanngitsut suliffeqarlutik pikkorissartunut atugassarititaasut assinginik atugassaqartitaallutik peqataassasut.

PKU-mik pikkorissarnerit pillugit ilassutitut paasissutissat PKU-mik pikkorissarnernut aqutsisoqarnikkut malittarisassiani atuarneqarsinnaapput uani atuarneqarsinnaallutik.

Inuussutissarsiorluni aalisarnermi isumannaallisaanermut pikkorissarnermut ilaaniarluni nalunaareernerup kingorna tulliuttut taamaatiinnarnermut nalunaarnissamut piumasaqaatit atuutilissapput:

1. Peqataasussaagaluartut taamaatiinnarnermut nalunaarnissaat pikkorissarnissap aallartinnissaa kingusinnerpaamik ullut qulit sioqqullugu allaffissornermut akitsuummik akiliinikkut suliarineqarsinnaavoq.

2. Peqataasussaagaluartut taamaatiinnarnermut pikkorissarnissap aallartinnissaa ullunit qulinit sivikinnerusumik sioqqullugu nalunaarnerannut taamaatiinnarnermut akitsuut pikkorissarnermut aningaasartuutit 15%-iinik naleqartoq aammalu allaffissornermut akitsuut akileeqqusissutaassaaq.

3. Peqataasussaagaluartut taamaatiinnarnermut pikkorissarnissap aallartinnissaa ullunit tallimanit sivikinnerusumik sioqqullugu nalunaarnerannut taamaatiinnarnermut akitsuut pikkorissarnermut aningaasartuutit 20%-iinik naleqartoq aammalu allaffissornermut akitsuut akileeqqusissutaassaaq.

4. Peqataasussaagaluartut taamaatiinnarnermut pikkorissarnissap aallartinnissaa nalunaaquttap akunnerinit 48-nit sivikinnerusumik sioqqullugu nalunaarnerannut taamaatiinnarnermut akitsuut pikkorissarnermut aningaasartuutit 30%-iinik naleqartoq aammalu allaffissornermut akitsuut akileeqqusissutaassaaq.

5. Sungiusaasup angalanissaanut silap sunniineranik peqquteqartumik kinguaattoorneq sullitamut neqeroorummut naleqqiullugu aningaasartuusiissanngilaq.

6. Qulaani eqqaaneqartut akitsuutit saniatigut angalanermut nerisaqartitaanermut ineqarnermullu Imarsiornermik Ilinniarfimmit akilerneqarsimasinnaasut aningaasartuutit taamaatiinnarnermi sullitap matussusissavai.

7. Sullitamik pissuteqartumik pikkorissarnissaagaluup ilivitsuusup taamaatiinnarneqarnerani Imarsiornermik Ilinniarfimmit akilerneqartariaqarsimasut aningaasartuutit soorlu allaffissorneq pilersaarusiorneq kiisalu angalanernut aningaasartuutaasimasut sullitap akilissavai.

8. Taamaatitsiinnarnermut atatillugu aningaasartuutit apeqqutaalluni ilaaniarluni nalunaarnermi kina sulisitsisutut nalunaaqqanersoq sulisitsisumit Majoriamit imaluunniit suliffissarsiuussisarfimmit akilerneqassapput.

9. Pikkorissartussap nammineq uppernarsagaasumik nappaamminik imaluunniit uppernarsagaasumik ilungersunartumik nappaamminik imaluunniit ilaquttamini

qaniginerpaasamini toqusoqarneranik peqquteqartumik taamaatitsiinnartoqartillugu taamaatitsiinnarnermut akitsuummi ilanngaasiisoqarsinnaavoq.

10. 1. februar 2020-imi Inuussutissarsiorluni aalisarnermi isumannaallisaanermut pikkorissarnermut allaffissornermut akitsuut 1.190- kruuniuvoq aamma pikkorissarnermut aningaasartuutit 32.000- kruuniullutik.

11. Pikkorissartussat takkunnerminni sungiusimasaqarluarlutik inuussutissarsiutigalugu aalisartunut imaani isumannaallisaanermut pikkorissarnissamut naammattumik sungiusimasaqarunik imaluunniit pikkorissarnissaq pillugu pikkorissartussamut piumasaqaatinit pisariaarutititsisumik ilinniagaqaruni taamaatitiinnarneqassaaq. Taamaatitsinermik nalunaarnerup kingorna najugaqarnermut aamma angerlarnermut aningaasartuutit Imarsiornermik Ilinniarfimmit akisussaaffigineqanngillat. Aammattaaq piumasaqaatini taakkunani immikkoortut 4 6 aamma 8 naapertorlugit akiligassiissutigineqassapput.

12. Pikkorissarnermut tigutissimasut pikkorissartut tigutinnissamullu piumasaqaatinik naammassinninngitsut kisiannili amigartut imaluunniit eqqunngitsut paasissutissat tunuliaqutaralugit tigutissimasut pikkorissarnermut akilerneqaatissaqanngillat nerisaqartinneqassanatillu. Sulisitsisoq Imarsiornermik Ilinniarfiup akilersimasaanut pikkorissarnermut akilerneqaatissanut nerisaqartitsinernullu aningaasartuutaasinnaasunik akiligassinneqassaaq.