Aalisartoq – Aalisariutini inuttaareersunut imaani- sulinikkullu isumannaallisaanermik pikkorissaaneq 8/2024

Aalisartoq - Aalisariutini inuttaareersunut imaani- sulinikkullu isumannaallisaanermik pikkorissaaneq 8/2024

Nuuk 19. – 23. februar

Pinngitsuugassaangitsoq pikkorissarneq, una pikkorissaaneq aalisariutini inuttaareersunut sammitinneqarpoq, pikkorissarnissamut peqataaniaraani marluk tunngavissaapput. Imaani inuusutissarsiutigalugu isumannaallisaanermut sapaatip akunnerini pingauni pikkorissarsimanermut peqataanikuusimannginissaq aamma ukiut tallimat kingulliit iluanni, ukiuni marlunni sivikinnerpaamik angalasimanissaq. Pikkorissareernerup kingorna aalisariutini aalisartuttut sulilertoqassinnaangussaaq, saniatigullu suliarineqassinnaangussapput nasittuuneq imaluunniit ipitserummik/aquummik tigumminnissinnaaneq.

Ilinniarnissamut piumasaqaatinut malittassat ukunaniit tiguneqarput, danskit inuusutissarsiornermut naalakkersuisoqarfianiit nalunaarut (Erhvervsministeriets bekendtgørelse) nr. 1145 af 29/9-2015-meersoq, imarsiortunut aalisartunullu piginnaaneqarnissaamut piumasaqaatit aamma ilinniartitaanermut, imaani inuussutissarsiuteqarnermut aalisariutinilu umiartortuusup pigaartuunissaanut (STCW-F-mi konventionen) reglement III/1 (Training and Certification of Fishing Vessel Personnel) nunanit tamalaanit akuersaakkat malittassat. Imarisaa: Imaani- suliffimmilu isumannaallisaaneq, ikiueqqaarneq pigaartuunerlu. Pikkorissarnissamut isissutissat: Peqataasussap uppernarsartussaavaa ukiut kingulliit tallimat iluani aalisariutini aalisartuttut ukiuni marluk minnerpaamik atorfeqartitaaneq, imaluunniit ukiut kingulliit tallimat iluani ukiuni marlunni piniartutut inuuniuteqassimaneq, peqqissutsimullu uppernarsaak atuuttoq takutsitussaallugu.

Pikkorissarneq AMA-tut ingerlanneqassaaq.

Tigutinnissamut piumasaqaat:

Pikkorissartussaq timikkut peqqissuusaaq, aamma tigusinnaasavaa umiartorsinnaanissamut  peqqissutsimut uppernarsaak. (Blå bog)

Pikkorissartussaq 18-nileereersimassaaq.

Ukiut tallimat kingulliit iluani, ukiuni marlunni angalasimanermut uppernarsaak/tit imaluunniit umiatsiaarasorluni aalisartuttut/piniartutut misilittagaqarnermut uppernasaak/tit.

Pikkorissarneq AMA-p malitassaai malillugit ingerlanneqassaaq.

AMA-mut pikkorissarnissamut nalunaaraani assigiingitsunik piumasaqaatitaqarpoq, nalunaarneq atorunnaasinneqassappat ukuullutillu piumasaqaatit nalunaarneq atorunnaarsineqassappat.

• Peqaataaniarunnaarluni aalajangeraani ullut 20-it sioqqullugu nalunaarsimagaani allaffissornikkut aningaasartuutit kisimi matussuserneqassaaq.
• Pikkorissarnissap aalartinnissaanut ullut 20-vinit sivikinnerulersimappat, peqataaniarunnaarlunilu aalajangeraani, pikkorissarnissamut akiliutissaq tamaat akilerneqassaaq ilanngullugu allaffissornikkut aningaasartuutit.
• Imarsiornermik Ilinniarfimmiit pisisussamut neqoroorut sunnerneqarnavianngilaq, ilitsersuisup angalanera taamaatiinassagaluarpat sila tunngavigalu aningaasartuutit annertunerulissagaluarpata.
• Taakku qulaani akiliutit taakkartorneqartut pisisumiit akilerneqassapput, pikkorissartup peqataaniarunnaarnera nalunaarutigineqarpat, aningaasartuutit Imarsiornermik Ilinniarfimmiit ukuusinnaapput angalaneq, nerisaqarneq najugaqarnerlu.
• Pikkorissaanissamik pisisoq aalajangeruniuk pikkorissaanissaq taammaatiinarneqassasoq, Pikkorissarnissaagaluamut Imarsiornermik Ilinniarfimmiit aningaasartuutaasimasut pisisumiit akilerneqassapput soorlu makkuusut allaffissorneq, pilersaarusiorneq angalanissamut aningaasartuutit il.il.

Aningaasartuutit peqataajunnaarniarnermut attuumasut sulisitsisumut pissarsiarineqassapput.  Majoriaq imaluunniit suliffissarsiuisarfiup allaffianut akilissuai, apeqqutaalluni kina sulisitsisutut allaqqanersoq.

Akia: kr. 11.500,00